Este es un fragmento de la entrevista que nos hicieron a Pablo de Soto a mí en "Les Noticies" sobre el proyecto Mapeando Asturies.Melania Fraga y Pablo de Soto: «Les cartografíes nunca pueden ser neutrales»
30 de xunetu de 2009
Melania Fraga y Pablo de Soto son dos de los responsables del proyectu «Mapeando Asturias» (http://www.mapeandoasturias.info/), que dende Llaboral Centru d'Arte y Creación Industrial trabaya na ellaboración d'una cartografía crítica d'Asturies cola rede como ferramienta de trabayu y l'oxetivu de mostrar una visión distinta del territoriu partiendo de les sos amenaces y oportunidaes.
MIGUEL BARRERO-¿Qué ye exactamente Mapeando Asturias y cómo nació esti proyectu?-Nel mes de xineru del 2008 tuvimos trabayando nun proyectu que se llamó Sala de Situación en Llaboral Centru d'Arte. Yera una instalación que semeyaba una sala de control y consistía nuna metáfora que planteaba si podíen existir sales de control como les que tienen los gobiernos p'analizar el territoriu dende la ciudadanía. Pensemos n'usar esa sala de control pa empezar un proyectu de mapa d'Asturies. Fiximos un taller de dos díes con un colectivu de Francia que se llama La Universidá Tanxente que lleven trabayando dende l'añu 2000 en cartografíes del capitalismu onde estudien les relaciones de poder. Ehí foi onde decidimos que queríemos empezar una cartografía crítica d'Asturies. Yéremos un grupu de 25 persones que teníemos yá esperiencia en trabayos d'esti tipu, y con esi oxetivu punxímonos en marcha.-¿Cómo se define esi conceptu de cartografía crítica?-La cartografía ye una disciplina ente artística y científica qu'empezó col conocimientu del mundu colonial. Los primeros mapes usábense pa estender el dominiu sobre un territoriu determináu col fin de xestionar recursos militares o loxísticos. Nel sieglu xx hai una serie de filósofos franceses que, dende los movimientos sociales, empiecen a facer cartografíes pa ver ónde tán, qué quieren cambiar y qué rellaciones estratéxiques hai. La visión del mundu que proponen los mapes nunca ye neutral. De la mesma manera que los que tienen el poder faen mapes pa xestionar los sos intereses, dende la base de la ciudadanía pue plantease una cartografía crítica pa denunciar una situación d'inxusticia. Nel casu de la última invasión d'Iraq, los medios de comunicación de los Estaos Uníos, siguiendo unos intereses mui concretos, mostraron mapes del Mediu Oriente ente 2001 y 2003 onde nel territoriu que-y correspondía a Iraq nun aparecía'l so topónimu, sinón el nome d'Al Qaeda. Eso yera una interpretación partidista de la cartografía que s'usó pa entamar un movimientu de tropes como nun se fixera dende Vietnam. Ehí la cartografía manipuló pa que la población aceptara dalgo tan brutal como entrar nuna guerra. Al tiempu, los activistes fixeron una campaña que consistió nun mapa de Nueva York onde aparecíen les sedes de toles empreses que diben salir beneficiaes del conflictu. Ehí ta la contraposición ente la cartografía hexemónica y la cartografía crítica, que tienden a ser contrapuestes.-¿Cómo se pue definir entós Mapeando Asturias? ¿Como arte? ¿Como ciencia? ¿Como una ferramienta de concienciación o d'acción política? ¿O como toes eses coses a un tiempu?-Exactamente. Hai una parte que ye científica y que tien que ver cola xeografía; hai otra que tien un componente más artísticu, porque los mapes tienen que ser seductores; y tamién ta'l componente políticu. Hai que destacar qu'agora nun faen mapes namás los que saben facelos. Coles ferramientes dixitales, tol que tenga un conocimientu mínimu del mundu dixital pue crear el so propiu mapa apurriendo'l so conocimientu enriba d'una estructura que pue tar fecha previamente. Los mapes pueden producise yá de manera colectiva porque les ferramientes tán a disposición de toos. Hai un tiempu trabayemos nun mapa del Estrechu de Xibraltar centráu nel tema de la inmigración y impliquemos a dellos sectores de la sociedá d'esi territoriu. Había un trabayu de campu y otru de visualización, anque nesa dómina nun había ferramientes pa facer esa xera al traviés de la Rede. Agora eso yá ye posible.
30 de xunetu de 2009
Melania Fraga y Pablo de Soto son dos de los responsables del proyectu «Mapeando Asturias» (http://www.mapeandoasturias.info/), que dende Llaboral Centru d'Arte y Creación Industrial trabaya na ellaboración d'una cartografía crítica d'Asturies cola rede como ferramienta de trabayu y l'oxetivu de mostrar una visión distinta del territoriu partiendo de les sos amenaces y oportunidaes.
MIGUEL BARRERO-¿Qué ye exactamente Mapeando Asturias y cómo nació esti proyectu?-Nel mes de xineru del 2008 tuvimos trabayando nun proyectu que se llamó Sala de Situación en Llaboral Centru d'Arte. Yera una instalación que semeyaba una sala de control y consistía nuna metáfora que planteaba si podíen existir sales de control como les que tienen los gobiernos p'analizar el territoriu dende la ciudadanía. Pensemos n'usar esa sala de control pa empezar un proyectu de mapa d'Asturies. Fiximos un taller de dos díes con un colectivu de Francia que se llama La Universidá Tanxente que lleven trabayando dende l'añu 2000 en cartografíes del capitalismu onde estudien les relaciones de poder. Ehí foi onde decidimos que queríemos empezar una cartografía crítica d'Asturies. Yéremos un grupu de 25 persones que teníemos yá esperiencia en trabayos d'esti tipu, y con esi oxetivu punxímonos en marcha.-¿Cómo se define esi conceptu de cartografía crítica?-La cartografía ye una disciplina ente artística y científica qu'empezó col conocimientu del mundu colonial. Los primeros mapes usábense pa estender el dominiu sobre un territoriu determináu col fin de xestionar recursos militares o loxísticos. Nel sieglu xx hai una serie de filósofos franceses que, dende los movimientos sociales, empiecen a facer cartografíes pa ver ónde tán, qué quieren cambiar y qué rellaciones estratéxiques hai. La visión del mundu que proponen los mapes nunca ye neutral. De la mesma manera que los que tienen el poder faen mapes pa xestionar los sos intereses, dende la base de la ciudadanía pue plantease una cartografía crítica pa denunciar una situación d'inxusticia. Nel casu de la última invasión d'Iraq, los medios de comunicación de los Estaos Uníos, siguiendo unos intereses mui concretos, mostraron mapes del Mediu Oriente ente 2001 y 2003 onde nel territoriu que-y correspondía a Iraq nun aparecía'l so topónimu, sinón el nome d'Al Qaeda. Eso yera una interpretación partidista de la cartografía que s'usó pa entamar un movimientu de tropes como nun se fixera dende Vietnam. Ehí la cartografía manipuló pa que la población aceptara dalgo tan brutal como entrar nuna guerra. Al tiempu, los activistes fixeron una campaña que consistió nun mapa de Nueva York onde aparecíen les sedes de toles empreses que diben salir beneficiaes del conflictu. Ehí ta la contraposición ente la cartografía hexemónica y la cartografía crítica, que tienden a ser contrapuestes.-¿Cómo se pue definir entós Mapeando Asturias? ¿Como arte? ¿Como ciencia? ¿Como una ferramienta de concienciación o d'acción política? ¿O como toes eses coses a un tiempu?-Exactamente. Hai una parte que ye científica y que tien que ver cola xeografía; hai otra que tien un componente más artísticu, porque los mapes tienen que ser seductores; y tamién ta'l componente políticu. Hai que destacar qu'agora nun faen mapes namás los que saben facelos. Coles ferramientes dixitales, tol que tenga un conocimientu mínimu del mundu dixital pue crear el so propiu mapa apurriendo'l so conocimientu enriba d'una estructura que pue tar fecha previamente. Los mapes pueden producise yá de manera colectiva porque les ferramientes tán a disposición de toos. Hai un tiempu trabayemos nun mapa del Estrechu de Xibraltar centráu nel tema de la inmigración y impliquemos a dellos sectores de la sociedá d'esi territoriu. Había un trabayu de campu y otru de visualización, anque nesa dómina nun había ferramientes pa facer esa xera al traviés de la Rede. Agora eso yá ye posible.
fuente: http://www.lesnoticies.com/
