«La sexualidá nun tien que tar marcada por formes fáliques»

Esta ye la entrevista espubliza "Les Noticies", escrita por Beatriz Redondo Viado.

Melania FragaDelegada n’Asturies de Los Placeres de Lola «Nes xuntes de"tuppersex" trátase’l sexu dende unaóptica feminista» «Tovía hai tabús colsexu anal o los estereotipos asociaosa delles prátiques» Na páxina www.losplaceresdelola.net pue concertase un conceyu de «tuppersex», una iniciativa del sex shop pamuyeres Los Placeres de Lola, que nació en Madrid y qu’acaba d’echar a andar n’Asturies Melania Fraga. La propuesta quier visibilizar la sexualidá femenina–«escondida dende siempre», afirma Fraga– en xuntesonde se mezclen el componente didácticu y ellúdicu.

«La sexualidá nun tien que tar marcada por formes fáliques»


B. R. V.
–¿Cómo naz Los Placeres de
Lola?
–Los Placeres de Lola ye un sexshop que ruempe les normes «clásiques». El proyectu echólu a andar un grupu de moces en Madrid al comprobar que nun había nel mercáu español nenguna tienda erótica dirixida a muyeres y dende una perspectiva feminista. Buscaron referencies en Londres, Estaos Uníos y Alemaña y esa información materializóse nel local qu’abrieron nel barriu de Lavapiés, en Madrid.
Ye una tienda que nun tien cabines, pornografía, vaxines, allargapenes, nin moñeques hinchables y sí tien llibros de feminismu, xuguetería y cosmética erótico.
–Amás de les famoses xuntes de «tuppersex»...
–Aparte de la tienda, tamién pricipiaron colos «tuppersex». En cuenta de los conceyos clásicos pa enseñar artículos pa cocinar y llimpiar, lo que se fai ye enseñar xuguetería y cosmética erótico. Amás del formatu tradicional, nel qu’una anfitriona convoca’l conceyu y axunta en so casa al grupu d’amigues pa la demostración, fáense conceyos a petición d’asociaciones de muyeres o en locales que salen de lo doméstico.
Por exemplu, la próxima xunta va facese nuna sidrería rexentada por muyeres y a la que va dir un puñáu de veceres.
–¿Namás van muyeres a les xuntes o pueden ser mistes?
–Pueden ser mistes. Ye un determín que toma’l grupu que convoca la xunta. A mi resúltame indiferente, pero siempre les encamiento pa que miren porque los homes que vaigan nun tomen a chancia la xunta nin garren tol protagonismu, dalgo que ye habitual cuando hai mozos. Otra cuestión ye pa ser «tuppersera », pa lo que namás s’almiten muyeres a les que se piden conocimientos de sexualidá y feminismu, y depués dase un cursu de formación a les seleccionaes.
–¿Diose’l casu, o podía dase, de qu’un grupu de mozos convocara una xunta?
–Podía dase, pero dexaría claro que la mio visión de la sexualidá ye dende la perspectiva femenina, dalgo mui escondío y arrequexao dende siempre. De toles maneres, nun voi enseñar moñeques hinchables nin coses pol estilu.
–¿Hai demanda pa despidíes de soltera «alternatives» frente a la parafernalia fálica?
–Esta ye una de les posibilidaes: pa muyeres que quieran facer una despidida que s’aparte de los
cánones un poco ordinarios que manden nesti tipu de fiestes. Equí nun fixi nenguna, pero en Madrid suel pidise una cesta de regalos pa la novia que se-y da na xunta.
–¿En qué se concreta l’enfoque feminista de Los Placeres de Lola?
–Les más de les veces aprovechamos pa facer un taller de sexualidá nel alcuentru. Usamos los xuguetes pa dir sacando temes y les asistentes aprovechen pa preguntar les duldes que tienen. Amás, pártese del presupuestu de que la sexualidá nun tien que tar determinada pola existencia d’un pene o una forma fálica: tiense mui en cuenta la diversidá y les orientaciones personales y entiéndese que toles práctiques son llícites siempre que toles participantes tean d’alcuerdu. Polo tanto, nun se pon más atención a práctiques que se consideren más xeneralizaes, sinón que se fala dende una perspectiva más amplia. De toles maneres, les participantes marquen los temes: pol interés que pongan nos artículos –que van dende les más atrevíes a les que nun s’atreven a tocalos– o lo que comenten. Ehí hai que ser prudente pa nun intimidar a xente qu’haya temes que-y puedan resultar incómodos y, al tiempu, dar respuesta a quien va falar abiertamente de cualquier asuntu.
–¿Cuál ye’l perfil de les participantes nes xuntes?
–Mayormente son muyeres d’ente trenta y cuarenta años que llamen sobre manera porque quieren formación, anque tamién hai xuntes que se convoquen con un carácter más lúdicu que didácticu. Les alcuentros conciértense con un compromisu de compra total de 200 euros y, si nun se llega a esa cantidá, les asistentes que nun compren apurren una cantidá de dineru, unos siete euros, polos gastos d’organización.
–¿Qué hai dientro de la maleta de Los Placeres de Lola?
–Solemos llevar un productu de cada zona o gran grupu de práctica. Siempre llevamos dalgo de
temes sensoriales (aceite, lubricantes...) pa falar de que tola piel ye sexualidá y nun ta namás centrao nos xenitales. Tamién vamos siempre coles boles chines, sobre manera pol aspectu melecinable d’exercitar la musculatura del suelu pélvicu. De vibradores tenemos dellos con testures estremaes y el tradicional, anque con formes distintes a les de siempre. El que llevo
yo tien forma de serena y nel sex shop namás hai ún con forma de pene, non porque pensemos que sía dalgo bono o malo, sinón porque, nel mio casu, parezme más guapu y elegante otru tipu de diseñu. Hai vibradores pa la zona vaxinal, pa clítoris, puntu G y zona anal, dildos, arnés, zurdiella, esposes, masaxadores con forma de coriín, la «mooncup» (copa de silicona pa sustituir a compreses y tampones na menstruación) y llibros.
–¿Qué tipu de llibros?
–El que más llevo ye ún qu’acaben de sacar en Los Placeres de Lola sobre sexualidá, escritu nun
llinguaxe mui directu pa resolver duldes habituales que muncha xente nun s’atreve a preguntar.
–¿Hai receptividá, vergüenza, tabús...?
–Hai una montonera de tabús. Por exemplu, yo siempre principio cola cosmética erótico porque eso yá fai que tengan contactu con elles mesmes y facilítase la comunicación. Sobre lo que más tabú hai ye sobre’l sexu anal, «bondage» o sadomasoquismu, que son temes que dexo pal final. Si entro con esto de primeres con persones qu’igual nun vieron nunca xuguetes d’esti tipu o que namás tienen l’esquema del vibrador –que tovía llamen consolador–, a lo meyor acaben
refugando’l conxuntu. Tampoco nunca falo de práctiques homemuyer, sinón de práctiques con otra persona o persones.
–Realmente ye una iniciativa mui nueva equí. ¿Van rompiéndose barreres?
–Tovía falta que la xente s’atreva a falar d’estes cuestiones y, amás, munches práctiques asóciense a un tipu concretu de xente. Col arnés y el dildu tol mundu piensa en dos lesbianes, pero cuando cuento que se pue usar col mozu eso da un poco de sustu; qu’una moza penetre a un mozu ye un cambiu de roles tan grande que cuesta aceptalo.
–¿Con qué material tán fabricaos los artículos?
–Trabayamos muncho con marques feches por diseñadores profesionales qu’usen silicona quirúrxico de lo que se pon nos implantes, polo que damos la seguranza de que son de bona calidá.